КОР ПЕТАН ГОРТЫСЬКор петан гортысь ылі туйӧ И рӧдвуж керкаад оз тӧр, Кӧть ставсӧ петтӧдзыд на шуин, Мед унджык морӧс пытшкад нуин, Эн вунӧд видзӧдлыны бӧр. Со яг тэд мыйкӧ шувгӧ-сиӧ, Со войтыр сьӧлӧмшӧрӧдз ас, Со нывка колльӧдысьяс пиын, А орччӧн мамыд пӧрысь киӧн Тэд гусьӧн ыстӧ пернапас. Ас сиктад воны бӧр он вунӧд, Мед кольӧ лыдтӧм лун и вой. Ӧд коркӧ чужан сиктысь уна Том войтыр война вылӧ муніс, И бӧрсӧ унджыкыс эз во… Кор петан гортысь ылі туйӧ И рӧдвуж керкаад оз тӧр, Кӧть ставсӧ петтӧдзыд на шуин, Мед унджык морӧс пытшкад нуин, Эн вунӧд видзӧдлыны бӧр.
