* * *

Изъя берег вывті чожа
Кӧмтӧм кокнад он на мун.
Майбыр жӧ нин, кодыр гожӧм,
Нӧшта — шондіа кӧ лун.

Ваысь петалам и бара
Сунам, уялам вель дыр.
Рака кок кодь кокным, сарӧг
Весиг пывсянын оз быр.

Ок, и лӧсьыд жӧ нин юас,
Кӧть эн петав сэтысь сутш.
Сӧмын полан, кымӧр суас,
Сетӧма ӧд тэныд удж.

Ӧшинь улын косьмӧ турун.
Тӧдлытӧг кӧ воас зэр,
Сэк оз отсав весиг куран —
Мам-бать петкӧдласны «шер».

И кыдз овлӧ, бара вунӧ —
Ді вылынӧсь нин ми со.
Эг и тӧдлӧй, локтіс кунӧр,
Ӧні гортӧдз он нин во.