ВЕЖСЬӦМ
Кыдз нин олӧ менам пелысь пуӧй, Югыд, сӧстӧм визув Висер юӧй, Дерт нин вежсис налӧн олан сер. Арся тӧлыс пелысь коръяс нуис, Мича юӧй паськалыштіс, туис, Эз нин этша шливгы-киссьы зэр. Ставыс вежсьӧ, олӧмыс оз сулав, Кодкӧ ловзьӧ, кодкӧ и, дерт, кулӧ, Быдторлы тай воӧ аслас кад. Со и менам бара олӧм вежсис, Кодарӧ нин ӧні менам кежсис?! Сьӧлӧмӧйлы мыйкӧ тай со рад. Олӧм шыяс мӧд ног куті кывны, Бурмӧм сьӧлӧм бара кутіс сьывны, Сэні мыйкӧ чужис ыджыдтор. Зэв бур книга лист бок быттьӧ восьті, Уна буртор сэтысь на ме босьта, Кылӧ сьӧлӧм, абу на мем сёр.
Гижысь: 
Гижӧд
Вежсьӧм
Жанр: 

lkejrlkelkrgner klrjnelknfrkl ekjnrjkenfrej