ВАЙ ӦТЧЫД ОКЫШТА
Вай ӧтчыд окышта. Эн ваксьы: шуа збыль. Мед ӧзйӧ миян муслун — сӧстӧм и зэв мича, Да сьӧлӧмъяслысь сійӧ рӧвнӧй тіпкӧм видзӧ. Вай ӧтчыд окышта. Эн ваксьы: шуа збыль. Кор радейтам, сэк югыд шондіа став свет, Кӧть петас ыджыд бушков, сыысь ми ог полӧй. Ог полӧй сы вӧсна, мый миын муслун олӧ. Кор радейтам, сэк югыд шондіа став свет. Ме тӧда, му вылас быдторйыс эм на тыр, Но лёксьыс кежам ми, мед керкаӧ эз пыр. И тайӧ этша на, — ми йӧткам сійӧс рыӧ. Ӧд мича олӧмлӧн та светын здукыс — шуд, А «мӧдар светын» кӧть и вечность, но — му куд, И, кытчӧдз ловъяӧсь, ми мунам муслун шыӧ! 1968
Гижӧд
Вай ӧтчыд окышта
Жанр: 

lkejrlkelkrgner klrjnelknfrkl ekjnrjkenfrej