АСЪЯ СЫКТЫВКАР
Асъя кыакӧд садьма кор водз, Менӧ кыскӧ нин ю дорӧ сьӧлӧм. Паныд воысьыс овлӧ на шоч. Карса уличьяс тыртӧмӧсь, чӧлӧсь. Сӧстӧм сынӧда паркыс тшӧтш лӧнь, Вӧртас весьтӧ пыр кыпӧдчӧ шонді. Сыктыв юыс, кыдз быттьӧ шӧвк вӧнь. Зарни рӧмъясӧн дзирдавны пондӧ. Миян кар весьтӧ пуксьӧ выль лун, Ӧшинь-синъясын енэжыс ворсӧ, Карса войтырлӧн палялӧ ун, Асъя ывлаыс шызьӧ да горзьӧ. Менам сьӧлӧмӧй радлунӧн тыр, Ӧти тӧждӧн ми карыскӧд олам. Сійӧ кыптӧ да мичаммӧ пыр, А зіль войтырыс тан кыпыд лола. Кузь нэм тіянлы сиа, бур йӧз, Ӧта-мӧднытӧ сьӧлӧмнад кылӧй. Сыктывкар весьтын енэжыс лӧз, Качӧ сьыланкыв сыланьӧ, вылӧ.
Гижысь: 
Гижӧд
Асъя Сыктывкар
Жанр: 

lkejrlkelkrgner klrjnelknfrkl ekjnrjkenfrej