АСЪЯ КОЛИП
Пемыд войыс колис ылӧ, Мыччысьӧма кыа. Кодкӧ Эжва бокын сьылӧ Мича, долыд шыӧн: «Чужи-быдми сьӧд вӧр шӧрын, Деревняысь петі, Новлі чорыд сера дӧрӧм, Визя гач да кӧті». Скуп да прӧстӧй кывъяс пытшкас Коми йӧзлӧн олӧм, Сылӧн шудыс, сылӧн гажыс, Сылӧн вына лолыс. Тадзи сьывны вермӧ сӧмын Дзользьысь, асъя колип, Коді сьыланкывъяс аслыс Гумлалӧ сӧдз ёльысь; Кодлӧн морӧс пытшкыс паськыд, Йӧзлы восьса сывъя; Код струнаяссӧ пыр ассьыс Зэвтӧ шоныд кывйӧ. А ӧд сьыліс тайӧ... Коді? Пес вӧчысьлӧн пиыс, Код эз волывлыв заводысь, Сэн джын нэмсӧ виис. Сьыліс Нёбдінса тадз Виттор, Ас войтырлӧн сьылысь. Асъя колипкӧд ме нимсӧ Ӧтлаӧда сылысь! 1963 во
Гижӧд
Асъя колип
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej