АЙ-ПЕТРИ ВЫЛЫН
Креж йылын сулала ме ӧтнам, кӧн лӧз эрд Да лэбалӧны паськыд бордъя вына кутшъяс. Дзик гӧгӧр лача. Чӧв. И ывлаыс мен путшкӧ Шӧвк сунисъясысь мойд, мед сьыліс кымӧр берд. И сійӧ сьылӧ. Мый? Ме сы йылысь ог тӧд, — Лӧз бордъя тӧлыс меным та йылысь эз висьтав. А ылын пессьӧ море, кыдз бес зэв страшнӧй висьтын, И дрӧбитӧ ва мольяс, вензиг изъяскӧд. Ой, море, море! Тэ он бурысь пессьы тадз, Он бурысь поткӧдлы из стенлысь рӧчӧсь гадь, — Ме аддза, суис шоглун, пузис кӧ тадз морӧс. И менам морӧсӧй оз овлыв некор чӧв, Кор лёкысь омлялӧ му вылас шуштӧм тӧв Да менӧ аскӧдыс зэв ыджыд тышӧ корӧ. 1962
Гижӧд
Ай-Петри вылын
Жанр: 

lkejrlkelkrgner klrjnelknfrkl ekjnrjkenfrej