АБУ ДЕЛӦЫС СЮРТУКЫН
Сонетъяс гижлісны Петрарка и Шекспир, Дас нёль строкаӧ мӧвпсӧ тӧрӧдліс и Пушкин. А менам юрӧй ичӧт, — помтӧм гез ог путшкы Строкаяс лыдысь, кӧн — ни прамӧй яй ни вир. Зэв бур, кор гижа ассьым ичӧтик, но мӧвп Дас нёль строкаӧ, важся, квайт стопаа ямбӧн. Кӧть формаыс и важ, но та вӧсна ог янды, — Выль формаяссьыс аддза ог жӧ этша лӧп. Эм менам ӧти ёрт и новлӧ важ сюртук. Пижон век сыысь кылӧ нафталинлысь дук, А ассяньыс жӧ ӧвтӧ кулӧм мортлӧн дукӧн. А ёртӧйлӧн сюртукыс кӧть и збыльысь важ, Но аслас пытшкыс выль и вайӧ ставлы гаж. И шуа: абу ньӧти делӧыс сюртукын! 1963
Гижӧд
Абу делӧыс сюртукын
Жанр: 

lkejrlkelkrgner klrjnelknfrkl ekjnrjkenfrej