ЯНИНАЛӦН СЬЫЛАНКЫВ
— Кутшӧм сьыланкыв тӧрыт тэ сьылін Сэтшӧм мичасӧ, дона Янина? Сылысь шыяссӧ мыйӧн ме кылі, Ӧнӧдз местаӧ сьӧлӧм оз инась. Кӧсъя кывзыны сійӧс ме выльысь, Беларусьысь мед Комиӧ нуны. Кӧть и сьыланкыв лоас зэв ылысь, Быдӧн аттьӧ мен рад лоас шуны. — Тӧрыт сьыланкыв сэтшӧмӧс сьылі, Кӧні ошкыссьӧ Мир да ён дружба. Роч салдатъяслысь сійӧс ме кывлі, Кодъяс татӧні нуӧны служба. Муным тышъяссӧ аддзыліс уна, И выль сьыланыс сьӧлӧмӧдз йиджис. Сійӧс сьыліг, ми удж вылӧ мунам, Мед выль вермӧмъяс сьӧлӧмным гижис. — Сьыв жӧ гораа, сьыв тэ, Янина, Йӧзлысь сьӧлӧмсӧ гажӧд да шонты, Медым удж вылын пыр вӧліс вына, Медым норлунӧн некор эз ёнты! Сӧмын удж вылын вермӧмным миян Мирлысь шондісӧ югдӧдӧ водзӧ. Сійӧс ломзьӧдам асланым киӧн, Шудлысь зарни мед куравны соддзӧн!
Гижӧд
Яниналӧн сьыланкыв
Жанр: 
Гижан кад: 
Ӧшмӧс: 

lkejrlkelkrgner klrjnelknfrkl ekjnrjkenfrej

1