ЭЛЬТЧӦМ
Быдтор ме веськыда висьтала талун! Ай-мамыд вӧлісны надзӧсь и скӧрӧсь, Ныв-пи эз вельмывны сэтшӧма налӧн, Ачыд тэ вӧй вӧлін, кутӧм кодь вӧрысь! Вӧй эськӧ! Бугыльыд югыд тай вӧлӧм: Казялін еджыдик морӧсӧс менсьым Сарапан пырӧй и корин сэк сьӧлӧм; Озыр и ӧтка пи: кутшӧм мем венсьӧм! Том дырйи сідзи тай арталан, вокӧ! Он курччы гырддзатӧ, матын кӧть лёка! Паськыда морӧсӧс тэныд ме восьті: Мый сэн эм том нывлӧн, бурджыксӧ босьт тэ! Кырныш моз сатшкысин, нёнялін вирӧс, Сёйин тэ яйӧс, и тӧдчисны лыяс! Ай-мамыд кулісны, зепъясныс тырӧсь; Зепъясас пыдӧ тэ сюйин со кияс… Ачыд тай ыджыд — и рамлуныд кытӧн! Бур йӧз тэд копрасьӧ; нюкыльтчис водзад. Мыйӧдз эн судзлы, и нывъяслы рытын Дась лоас эзысь и пренникъяс содзад. Мый ме тэд? Важӧн, шу, кувны тэд колӧ! Чӧрт с тобой! Быдсяма мерлина олӧ! Сідз эськӧ: мерлина госаджык месся, Чӧртсьыс тай омӧльджык лои ме сэсся! Татшӧм-ӧ нывъюрӧн вӧлі, ен тӧдӧ! Сӧстӧм лов, сӧстӧм яй, ангельскӧй олӧм! Мыйла ті-вок сайӧ йӧз моза мӧді! Мыйла пеж паръястӧ окавны колӧм! Тэ, гашкӧ, шуан: со тайӧ пӧ видчӧ! Сьӧлӧмӧс бурмӧді, висьталі быдсӧ! Тэ кӧ эн вӧв, эз и сьӧлӧмӧй потлы, Не тэд кӧ, норасьны понда ме кодлы? (1862)
Гижысь: 
Гижӧд
Эльтчӧм
Жанр: 

lkejrlkelkrgner klrjnelknfrkl ekjnrjkenfrej

1