* * *

Шонді садьмас, шонді чеччас:
«Мый нин, сисьйӧг, муса вок?
Мый, ен тэкӧд, сідзи веж тэ?
Кутшӧм юӧр, бур-ӧ-лёк?»

Тӧлысь кутас висьтавлыны,
Вой код коллис кутшӧма.
Гажаа зэв петас шонді,
Бура кӧ вой колльӧма.

Абу кӧ, сэк петас руын,
Пӧльыштас тӧв, зэрмӧдчӧ…
Ыркӧдчыны оз пет мамыс
И оз нуӧд кагасӧ!

Нюкыртчис сэк меям кага,
Енвевтӧ дыр видзӧдіс,
Дыр-дыр лань-лань сійӧ вӧліс,
Сэсся меным шыасис:

«Богородицетӧ лыддьы», —
И ме бӧрӧд юрбитіг
Сэки пондіс авъя питор
Лыддьыны тшӧтш ньӧжйӧник.

1859