УНА НЫВЪЯС ЧУКӦРТЧИСНЫ


Уна нывъяс чукӧртчисны,
Уна, уна чукӧртчисны.
Зон-зон, мича нывъяс,
Зон-зон, муса нывъяс,
Чукӧртчисны.

Берег дорӧ лэччалісны,
Кыркӧтш улӧ лэччалісны.
Зон-зон, мича нывъяс,
Зон-зон, муса нывъяс,
Лэччалісны.

Паськӧмнысӧ пӧрччалісны,
Паськӧмнысӧ пӧрччалісны.
Зон-зон, мича нывъяс,
Зон-зон, муса нывъяс,
Пӧрччалісны.

Ёна нывъяс селькӧдчисны,
Ёна нывъяс купайтчисны.
Зон-зон, мича нывъяс,
Зон-зон, муса нывъяс,
Купайтчисны.

Василиса прӧстудитчӧма,
Коньӧрушка прӧстудитчӧма.
Зон-зон, мича нывъяс,
Зон-зон, муса нывъяс,
Прӧстудитчӧма.

Василиса висьмӧдчӧма,
Коньӧр нывка висьмӧдчӧма.
Зон-зон, мича нывъяс,
Зон-зон, муса нывъяс,
Висьмӧдчӧма.

Коньӧрушка кувны лӧсьӧдчӧ,
Коньӧрушка кувны дасьтысьӧ.
Зон-зон, мича нывъяс,
Зон-зон, муса нывъяс,
Кувны дасьтысьӧ.

Прӧщайтчыны локталӧны,
Прӧщайтчыны воалӧны.
Зон-зон, мича нывъяс,
Зон-зон, муса нывъяс,
Локталӧны.

Другыс локтіс прӧщайтчыны,
Милӧй локтіс прӧщайтчыны.
Зон-зон, мича нывъяс,
Зон-зон, муса нывъяс,
Прӧщайтчыны.

Ӧтчыд найӧ кутчысьлісны,
Ӧтчыд найӧ окасисны.
Зон-зон, мича нывъяс,
Зон-зон, муса нывъяс,
Окасисны.

Василиса бурдӧма нин,
Василиса справитчӧма.
Зон-зон, мича нывъяс,
Зон-зон, муса нывъяс,
Справитчӧма.