ТЫОНГ ВАНЛӦН ГӦЛӦС
Напалмысь гӧгӧр сотчӧ лун и вой Вьетнам. Салдатъяс мунӧны, а джунгли... Сэтчӧ рӧкыс Тшем кыпӧдӧма вӧр, и мунны вывті сьӧкыд, Вын усис кокъясысь и надзмис мунан сям. — Здук шойччыштам. — Ог вермӧй: абу миян кад. Сы час кежлӧ, кӧть кув, но колӧ лоны сэні. Мог миян ставлӧн ӧти: врагӧс татысь венны Мед сывъялас тан смерть, ми сылы вӧчам ад! — А йӧзлӧн кок оз мун. Но кыськӧ кывсис друг Том, мича сьыланкывлӧн гора шы та здук, И бырис йӧзлӧн мудз, кыдз быттьӧ эз и вӧвлыв. — Тэ кылан? Тыонг Ван! Тэ кылан? Тыонг Ван! Ныв чуксалӧ, мед сылысь мездім Куангнам... — И пансис чорыд бой, враг муніс сэки тӧв йыв!
Гижӧд
Тыонг Ванлӧн гӧлӧс
Жанр: 
Гижан кад: 
Пасйӧд: 

* Тыонг Ван — Лунвыв Вьетнамса Каунгнамысь ныв. Муяс вылын уджалігӧн сылысь батьсӧ самолётсянь пулемётнӧй ӧчередьӧн виисны французскӧй колонизаторъяс, а кор на пыдди воисны американскӧй оккупантъяс, том ныв пышйис гӧраясӧ, вуджис Народно-освободительнӧй армияладорӧ да ӧні сэн сьылӧ военнӧй ансамбльын и ӧттшӧтш санитаркаалӧ. 1968 вося июльын-августын Тыонг Ван воліс том йӧзлӧн да студентъяслӧн ІX Всемирнӧй фестиваль вылӧ Софияӧ.

lkejrlkelkrgner klrjnelknfrkl ekjnrjkenfrej

1