ТОМ ЗОН
Он тӧд на тэ, он, Мича, авъя зон, Сьӧлӧмтӧ, олӧмтӧ, Ас ыджыд дон, Бурлунтӧ, шудлунтӧ! Он тӧд тэ, он! Регыд мортыд том! Ичӧт олан ком! Выныдлы мывкыдыд Пуктас мед дом! Мунӧны лун-войыд… Регыд морт том! Ӧтнас морт джын морт! Ангел, куль да орт Ӧткӧн мед оласны! Лӧсьӧд, зон, горт! Лӧсьӧд кӧть мусатӧ! Ӧтнад джын морт! Он казяв, он кыв… Рытывбыд рам ныв Яндысьӧ, ылавсьӧ: «Код тэысь выв! Долыд тэ, мелі тэ!..» Нем тэ он кыв! Ӧмидз ва кодь вир! Шонді яй-лы пыр Нылыслӧн тыдалӧ!.. Весьшӧрӧ дыр Чужӧмас ворслывлӧ Ӧмидз ва вир!.. Дженьыд сыкӧд вой! Небыд сылӧн сой! Юрсисӧ сетӧма Нылыслы мой. Долыдмас лун сыкӧд! Дженьдаммас вой! Кывлін, эм пӧ рай? Сэтчӧ эн на кай! Кувны и пӧрысьӧн Эштамӧ тай… Йӧзлы абу мог! Йӧзлы абу шог! Мед вӧлі найӧлы Шань оласног… Нывкӧд, зон, шуда ло! Йӧзлы мый мог! Сентябрь 20. 1865.
Гижысь: 
Гижӧд
Том зон
Жанр: 

lkejrlkelkrgner klrjnelknfrkl ekjnrjkenfrej

1