СУВТӦЙ, ВОКЪЯС!
Вокъяс, вокъяс! Сьӧлӧм менам пузис, Скӧрлунӧйлӧн ӧкмысӧд сэн вал. Конго вылӧ, мездсӧ код оз вузав, Выльысь гангстер кыпӧдіс кинжал. Эз на быр Лумумбалӧн сэсь вирыс, Ӧзйӧ на, кыдз ломалан би кыв, А вот лёклун ыршасьӧ нин выльысь Пласнитны Гизенгалысь пӧсь сыв. Войтыр, войтыр! Мирса честнӧй войтыр, Кодлы дона мездлун, но не чеп, Сувтӧй паныд, медым вир эз войтышт, Миянкӧд Гизенга вӧліс мед! Сувтӧй ставӧн, вокъяс! Сувтӧй сідзи, Колониализмлӧн медым спрут Миян водзын тіраліс, кыдз нидзув, Кодӧс кӧсйӧ пычӧдны каблук. Ме ог эскы, Мый оз тырмы вынным, — Миян сійӧ вӧліс, миян эм. Водзӧ сылы шуӧма век сынны, — Справедливӧй стрӧитам ми нэм. Сувтӧй, вокъяс! Сувтӧй, — сьӧлӧм пузис, Скӧрлунӧйлӧн ӧкмысӧд сэн вал. Конго вылӧ, мездсӧ код оз вузав, Гангстер лэптіс тӧчитӧм кинжал. 1962 во.
Гижӧд
Сувтӧй, вокъяс!
Ӧшмӧс: 

lkejrlkelkrgner klrjnelknfrkl ekjnrjkenfrej

1