САД ЙӦРЫН КӦ НЫВ ГУЛЯЙТӦ


Сад йӧрын кӧ ныв гуляйтӧ,
Мича чужӧм нывлӧн.
Гусьӧникӧн нылыс бӧрся
Сэтчӧ зон волывлӧ.
Зонмыс полысь, нылыс збойджык,
Зонлы локтӧ воча:
— Зонмӧй, зонмӧй, молодечӧй,
Мыйла волан шоча?
— Рад кӧть эськӧ ме волывла,
Менам козин абу.
Базарӧ кӧ ме ветла,
Дона козин ньӧба.
Дона козин, кык козин —
Кумач да китайка.
— Кумачыдтӧ меным оз ков,
Ог пасьтав китайка.
Кыдз радейтан, сідз радейт,
Зонмӧ, тэ эн пӧръяв:
Дона козин пыдди меным
Зарни чунькытш бӧрйы.
Зарни чунькытш, кык чунькытш:
Аслыд тшӧтш и меным,
Сэки, дона мортӧй, вӧлись
Жӧник лоан менам.
Тэкӧд круг гӧгӧр кытшовтам,
Сэсся чунькытшасям,
Вичко шӧрын Вежа лунӧ
Куимысь окасям.