ПӦРЫСЬ МОРТ
Ой-ой, мый нӧ сідзи ола Дыр! Ог пов адысь! Пиысь пола Пыр! Меям быдсӧ сёйсьӧм сылысь Нянь! Ог и корсь нин пызан вылысь Пань; Вунӧдлӧны сійӧс вайны Век — Паччӧр вылӧ-й ковмас кайны Сэк! Оз пов енмысь, ас ныв-письыс Пи… Сё мат! Ас юр вылас киссяс! Ки Менам эмбур ӧктіс сылы — Ов! Корны сылысь дӧмас вылӧ Пов! «Дурпон» выль ним пуктіс сійӧ Мем… Кыдз нӧ арталі ме, пиӧ, Нэм, Мый тэ эн тай понпи, Катшыс Вӧв! (Со и сюрис коньӧр ачыс!) Чӧв, Пиӧй, йӧз моз морт лов сетлі Тэд! Бара-й монь… Да сійӧ — петлӧ!— Мед! Йӧз вир, йӧз быдтӧмыд кӧдзыд… Сідз Вомйӧмыс оз сьӧлӧмӧдзыд Сидз, Кыдзи кодыр асыд вомъяс. Со Ляпӧдчӧны миян томъяс: «Во Оз пӧ гӧгӧрво нин нинӧм, Йӧй!» Ог тӧд, кытчӧ вошӧдчыным, Вӧй! Ен видз! Норасьны мед муна? Ог! Сідз нин мекӧд налы уна Шог! Вины ачымӧс? Да кыла: Мыж! Кыткӧ пурт тай асыд вылӧ Ныж! Тавой котшкӧдчис нин ёна Орт — Тӧдан, вӧзйӧ нин мем дона Горт! Мытшасян да гуӧ усян, Пон! Пернапассӧ чӧвтас гусьӧн Зон! 1859
Гижысь: 
Гижӧд
Пӧрысь морт
Жанр: 

lkejrlkelkrgner klrjnelknfrkl ekjnrjkenfrej

1