КОРЫСЬ

So lange bis den Ваu der Welt

Philosophie zusammenhält,

Erhält sie das Getriebe

Durch Hunger und durch Liebe.




Эз дыш вӧв, уджавлывліс,
Да кыдзья нинӧмторысь;
Кoр меліджык морт вердас,
Сэк оз нин донъясь корысь!

Эз сёйлы пызан сайын
И пызан дӧра вылысь;
Сэк еннога вок сылы
Куш лабич сетліс ылысь.

Со сьӧлӧмтӧм нянь водзас —
Ӧд сьӧлӧм воклы коліс,
А сы бӧрын сы шырлы,
А шыр бӧр корысь воліс.

И сов эм сылӧн водзас,
Кӧть гӧсьтлы быдсӧ сола, —
Ва ыджыд кӧшын — ачыс
Ва новліг собис тола.

Со мортлӧн сёйсис регыд,
Зэв матын сёйӧм помыс —
И зіля кевмӧ мортлӧн
И сой, и кoс, и вомыс!

Зэв зіля кевмиг сылӧн
Быд лы, быд йӧзви вӧрӧ, —
И енлы шуӧ: «Ог мун
Тась джагӧдчыны вӧрӧ!»

1865.