* * *


Коз пу нин нӧшта ме пукала потанӧ дорын,
Кыдз пу мусаӧс ме качайта лайкыд лайканӧ помын,
Сир пу дитяӧс ме качайта лучкиыс помын,
Сэрга она дитяӧс ме водтӧда небыд вольпасьӧ вылӧ, 
Джуджыд нин ме муса дитяӧс водтӧда мольыд юрлӧсӧ вылӧ,
Байкӧвӧй ӧд дзӧля дитяӧс ме шебрала шоныд шебрасӧ улӧ, 
Сыв тыр нин дона дитяӧс ме водтӧда жальӧ моздорӧ вылысь,
Тырп дор нин, дитя сердешнӧйӧ, ме водтӧда вом дорӧ вылысь.
Дасӧ нин муса дитяӧс ме соддзала гыжъя чуньӧ костын,
Шоныд нин дона дитяӧс ме качайта небыд ки пыдӧс шӧр вылам,
Чунь пом йылам дзӧля дитяӧс ме бергӧдла мича шахматыс моз,
Ки пыдӧс талун ме качайта вернӧй маткаыс моз,
Сӧза ӧд муса дитяӧс ме водтӧда пидзӧс помӧ вылӧ,
Тырп дор ӧд дзӧля дитяӧс ме водтӧда ыргӧн льӧб дорӧ вылыссьым,
Лабич дор донаӧс ме пуксьӧда гажа тшетшакыс  моз, 
Ӧшинь дор мусаӧс ме пуксьӧда лӧсьыд вуджӧрыс моз,
Улысь нин вылӧ ме быдта зэв кыпӧдӧм вылӧ,
Тыв йыв ӧд борд йыв ме тупляла зэв лэбӧм вылӧ,
Смолода дзӧля донаӧс ме быдта пӧтехаыс вылӧ,
Настарӧсь мусаӧс ме быдта переменаыс вылӧ.