* * *


Керкаын потан бовъялӧ,
Ывлаын вой тӧв шутьлялӧ,
Ӧввӧ, ӧввӧ, ӧввӧ.
Кыдз пу лайкан дзуркӧдӧ,
Пӧчӧ менӧ лайкйӧдлӧ,
Ӧввӧ, ӧввӧ, ӧввӧ.
Шебрасысь кокӧс нюжйӧдла,
Ичӧт кекӧс шыблала.
Ӧввӧ, ӧввӧ, ӧввӧ,
Пӧчӧ босьтіс-тубыртіс,
Эшкын улӧ шебрӧдіс,
Ӧввӧ, ӧввӧ, ӧввӧ.
Зарни пиӧ, узь нин, узь,
Мамыд муніс турунла,
Регыд локтас, эн бӧрд, эн,
Ӧввӧ, ӧввӧ, ӧввӧ.
Мича ляльӧн пасьтӧдас,
Чӧскыд льӧльӧн вердыштас,
Ӧввӧ, ӧввӧ, ӧввӧ.
Зарни пиӧй, узь нин, узь,
Быдман, ыджыд лоан морт,
Вылӧ лэдзан пӧтка борд,
Ӧввӧ, ӧввӧ, ӧввӧ,
Тайӧ гижам тіянлы,
Гашкӧ, коркӧ сьылыштад,
Посни чой-вок ланьтӧдад,
Ӧввӧ, ӧввӧ, ӧввӧ.