ВӦЛА
Рӧдтӧ надзӧн, рӧдтӧ надзӧн Туйӧд вӧла верзьӧмӧн. Мый нӧ омӧльӧс тэ аддзан? Нюкыртчин мый дзугыльӧн? Гашкӧ, война, тӧдін карын, Гӧтырыдкӧд янсӧдас? Гашкӧ, шогсян, мый лёк барин Вӧвтӧ дойдіс вӧтлӧмнас? Абу сійӧ! Колис сылӧн Дзоньвидза на ён сьӧд вӧв; Карын тӧдіс, Рочму вылын — Ен на видзӧ — шы ни тӧв! Со мый вӧсна нюкыртчӧма: Вӧрас озыр вузасьысь Сьӧкыд доддьӧн эновтчӧма Этша бӧрын сійӧысь! Вӧла колльысьысьлы юрас Омӧльтор тай пырыштӧм: Оз, оз кӧсйы вӧчны бурӧс — Сёйӧ сійӧс вежпетӧм… Кольччӧ, кольччӧ… Регыд сійӧс Вузасьысьыс суӧдас; Регыд колльысьысь тай виас Вузасьысьӧс чер тышнас. Регыд суас мунысь барин Сэні лёк мортвиысьӧс; Регыд янсӧдасны карын Сыкӧд нин том гӧтырӧс!
Гижысь: 
Гижӧд
Вӧла
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1