ВОЙВЫВ ГОЖӦМ


Майбыр, гожӧмӧй, шоныд гожӧмӧй,
Дженьыд кӧч бӧж моз тюрин-котӧртін.
Войвыв гожӧмӧй, лыска пожӧмӧй,
Тэ нӧ гӧститан ӧні код ордын?

Кымӧр сайсяньыс муртса мыччысьлін
Да и пышйин со гусьӧн, тӧдлытӧг.
Эськӧ здук-мӧд кӧ ещӧ виччысьлін...
Мыйла котравны кӧсъян мӧдлаті?

Но а, гашкӧ нӧ, эн и мунлы да —
Еджыд вольпасяд сӧмын унмовсин.
Регыд муыс и ваыс вунӧдас
Тэнсьыд шоныдтӧ — куняс унзіль син.