БӦРЪЯ


Тӧвруӧй нимӧс важӧн нин разӧдіс.
Талялӧм туйӧд ог нин кос, ог.
Кӧсъян кӧ ловруӧс казявны ылісянь,
Дерт, он нин аддзы
И ме бӧрся, дерт, он нин лок.

Визув ю вывті кывта, и кадыс
Нуӧ пыр водзӧ и водзӧ.
Босьтышта сӧстӧмсӧ соддзӧ,
Юышта вежласян васӧ.

Кадыс пыр нуӧдӧ водзӧ,
Пелысӧн отсасьны ог нин ме кут,
Берегсянь берегӧ, ляпкыдӧ-джуджыдӧ,
Некод оз дивит и некод оз кут.

Помтӧмӧн муслунӧй коляс мед век,
Ог вид ме некодӧс, видны ог мӧд.
Ме пыдди локтас на сӧстӧмджык
                                     бурджыкыс,
Ме пыдди локтас, дерт, мӧд.

Вермас лоны, гулыд нимлысь
Йӧлӧгасӧ кылыштас
Тувсов тӧлыс... Но и мед.
Визув ванас кылӧдас.