* * *


Бобӧ, бобӧ, кытчӧ ветлін?
Чожӧ гуӧ ветлі.
Бобӧ, бобӧ, мый жӧ вайин?
Выя нянь ме вайи.
Бобӧ, бобӧ, кытчӧ пуктін?
Джек пом вылӧ пукті.
Бобӧ, бобӧ, абу тай нӧ.
Сьӧд пон тай сёйӧма.
Бобӧ, бобӧ, кӧні понйыс?
Потшӧс костӧ сибдӧма.
Бобӧ, бобӧ, кӧні потшӧсыс?
Би тай сотӧма.
Бобӧ, бобӧ, кӧні биыс?
Ва тай кусӧдӧма.
Бобӧ, бобӧ, кӧні ваыс?
Ӧшкамӧшка юӧма.
Бобӧ, бобӧ, кӧні ӧшкамӧшкаыс?
Ыбӧ тай кайӧма.
Бобӧ, бобӧ, кӧні ыбыс?
Шыр тай кырӧдӧма.
Бобӧ, бобӧ, кӧні шырыс?
Налькйӧ тай шедӧма.
Бобӧ, бобӧ, кӧні налькйыс?
Чер тай кералӧма.
Бобӧ, бобӧ, кӧні черыс?
Зуд тай нальӧма.
Бобӧ, бобӧ, кӧні зудйыс?
Петшӧр пӧвстӧ усьӧма.
Бобӧ, бобӧ, кӧні петшӧрыс?
Коса тай ытшкӧма.
Бобӧ, бобӧ, кӧні косаыс?
Лыа улӧ пузувтӧма.
Бобӧ, бобӧ, кӧні лыаыс?
Курӧг-петук кокалӧма.
Бобӧ, бобӧ, кӧні курӧг-петукыс?
Саридзӧ лэбзьӧмаӧсь.