* * *
Ак, кутшӧм ӧдйӧ лэбӧ кадыс, И часі стрелкаяс — кыдз бордъяс. Ныв тӧрыт ветлӧдліс детсадӧ, А талун со нин батьсӧ ордйис. Театрӧ ветлім, гортын мойдлі. Шоч лун, кор ки вылын эз качлы. А ӧні ньӧжйӧ, мед не дойдны, Кытсюрӧ велӧдӧ нин ачыс. Ми классысь классӧ вуджлім сыкӧд, Эг кольлы школа уджын пайтӧг. А нывка быдмис менам... Кыкӧн Экзамен дасӧд классын сдайтім. Оз сувтлы олӧм — водзӧ мунӧ, То шонді петавлас, то зэрмас, И овлӧ сьӧкыдлуныс уна, Да он век отсавнысӧ вермы. Сэк нылӧй вӧсна сьӧлӧм висьӧ, И полӧм жӧдзӧ, быттьӧ вуджӧр... Ме бара дась сэк босьтны кисӧ, Мед сьӧкыдлунсӧ туй моз вуджны.
Гижӧд
Ак, кутшӧм ӧдйӧ лэбӧ кадыс...
Жанр: 

lkejrlkelkrgner klrjnelknfrkl ekjnrjkenfrej

1