ӦГРАВ, ӦГРАВ! ЛОМАВ, ЛОМАВ!
Ойбыт укӧтіс бӧбмӧм тӧв: унняліс, горзіс, сьыліс да чапкасис пашмӧм голиэзӧн, кӧдна гер ӧшалісӧ пӧрись кӧз вылын. Войбыд бушуйтчис дурмӧм тӧв: шувгис, лимзаліс-бӧрдіс да нетшкис пӧрысь коз вылысь кольӧм вося кольяссӧ.
Эта кӧзыс красуйтчис-быдмис вӧр дорас, вӧлі учӧтжык мӧддэсся, зэв лапыт да вапсыра увья. Дед Митроклӧн балаганыс сы увтын оліс топ гуня пола увтын. Ӧддьӧн кужӧмӧн панӧм-керӧм, сія вӧлі шоныт и прокод кӧс. Кӧть кыдз виззяс-зэрас и сырлёль ӧшӧтчасӧ сук уввес, шуч вамасӧ да дугдасӧ видзны зэрсӧ, а старик позӧ ваыс оз сидз: балаган вевттьӧма дуб банӧн. Тайӧ козйыс красуйтчис-быдмис вӧр дорын, вӧлі мукӧдъясысь ичӧтджык, паськыд лапъяса да сукджык увъяса. Митрук дедлӧн чомйыс тайӧ коз улас быттьӧкӧ пась пӧла улын: шоныд, лӧсьыд, пыр кос. Кӧть кутшӧма кисьтас-зэрас, да лёзь ӧшйӧм увъяс дзикӧдз кӧтасясны, а дедлӧн позйӧ ваыс оз веськав: чомсӧ вевттьӧма сюмӧдӧн.
Вот и таой зэрыс чеччӧвтӧмӧн вартіс кӧз кузяс да гыма-йирка етшасисӧ кымӧррез, а Митроклӧ балаганын вӧлі сідз жӧ бур, кыдз гортас гор вылын. Со и талун кӧшысь моз кисьтіс-зэрис, небесаын йиркакыліс-гымаліс, а Митрук куйліс аслас чомйын паччӧрын моз.
Югдандорас кымӧррес рознитчисӧ и только рытвылас чели-пели ӧшалісӧ кынымкӧ торок. Вынтӧмсялӧм тӧв мыйкӧ шушкис пӧрись кӧзлӧ, бытьтӧ каитчис, мыля бӧбувьяс ӧддьӧн пиньлаліс сійӧ, вӧрзьӧтіс вужжесӧ. Паныт мыйкӧ шувгис и пӧрись кӧз, натьтӧ, норасис, а может, и лёкӧтчис аслас сьӧкыт судьба вылӧ. Югдандорыс кымӧръяс разалісны, да сӧмын рытыввылын ӧшалісны кымынкӧ кымӧр пласт. Раммӧм тӧв мыйкӧ вашкӧдіс пӧрысь козлы, быттьӧ каитчис дурмӧм вывсьыс козйӧс сэтшӧма шатлӧдлӧмысь. Мыйкӧ воча шуаліс и пӧрысь коз, буракӧ, норасис аслас судьба вылӧ.
Кин и оз вежӧрт тӧвлісь да пуэзлісь шушкӧмсӧ, а пӧрись мортлӧ сія вежӧртана. Эд кыным ни гожум старик чулӧтӧ татӧн, палёжас! Сыкӧт часто сёрнитӧ-баитӧ кеньжак, куруӧн орсӧны тарпияннэз, синмасьӧ да дразнитчӧ сюзь, кыр асыввезнас орсӧ побудка. Мый и баитны, паськыта тӧдӧны старикӧс раменнёись оліссез. Нельки ёж вовлісьӧ сыкӧт. Кодкӧ, гашкӧ, и оз гӧгӧрво тӧвлысь да пӧрысь пуяслысь вашкӧдчӧмсӧ, а Митрук дедлы сійӧ гӧгӧрвоана. Ӧд кымын гожӧм нин старик коллялӧ тані! Сыкӧд частӧ варовитӧны таръяс, сылы быд асыв сьылӧны кайяс. Сыкӧд быд вой синмасьӧ сюзь. Стариклы асывводзьясӧ барабанӧн моз кос пу йылын торкӧдчӧ сизь. Мый и сёрнитны. Быдӧн тӧдӧны тані Митрук дедӧс. Весиг ёж волысьӧ сыкӧд.
Сідз Митрок думайтіс нитшись керӧм перина вылын куйлікӧ. Чеччыны эз тэрмась талун: ойсӧ узис умӧля. Умӧля сысянь, что лёк погоддя тожӧ маитӧ сылісь пӧрись коскаэсӧ, кӧть и Митрок йӧз одзын асьсӧ видзӧ эшӧ чатырӧн. Ох, годдэз, годдэз! Мыйсӧ тійӧ эд мыччалӧ миян векын. А восемьдесят год овны — не ма лакны. Только созлӧй морт, созлӧй крестьянин эна годдэзӧ вермӧ уджавны. Став тайӧторъяс йывсьыс и думайтіс дед чомйын нитш перина вылын куйлігӧн. Чеччыны эз тэрмась: войсӧ узис омӧля. А омӧля узис сы вӧсна, мый лёк поводдя дырйиыд коскыс висис, кӧть эськӧ йӧз водзын Митрук тшапитчӧ на, юрсӧ вылын кутӧ. Ок, вояс, вояс! Мыйсӧ бара ті энӧ вайлӧй йӧзыслы миян нэмын. Сизимдас арӧсӧдз олӧмыд — абу ма панялӧм. Сӧмын сӧнйӧра крестьянин та мында арӧснас вермӧ уджавны.
Ӧтӧрын кыліс тырган шы, старик вӧрзьӧтчис местаас. Ывлаын кыліс пуӧ торкӧдӧм. Старик вӧрзьӧдчис местасьыс.
— Саймӧтӧ ни бӧра, тюня-параня, — серӧмтчис старик да чеччис ольпасись, пондіс тэрмасьны. Конечно, Митрок важын ни бы чеччис, да нарочно видзчисис, кӧр локтас кырыс. А кыр сё вартӧ нырнас, вӧрсӧ чанӧтӧ. — Садьмӧма нин, ерӧмаканьыд! — нюммуніс дед да чеччис вольпасьысь, заводитіс кӧмасьны. Дерт, Митрук важӧн нин эськӧ чеччис, но нарошнӧ виччысис, кор локтас сизьыс. А сизь нырнас клёнӧдіс и клёнӧдіс, вӧрсӧ гажӧдіс.
Старик лэбтіс скӧвер — пырейись гӧрдззӧм ыбӧс вевт — и петіс балагансис. Паныт койыштіс шонді югӧр, гусяліс синнэсӧ. Митрок кишупнас адззис лабичок, пуксис. Шонді дзик руша коросьӧн малыштіс куш юрвомансӧ, югӧррес сидзисӧ гӧрд йӧрнӧс да суконнӧй вешьян пыр, шонтісӧ вӧйӧм мороссӧ да ёсьмӧм пидзӧссэсӧ. Старик лэптіс пырӧйысь кыӧм ӧдзӧс вевтсӧ да петіс чомйысь. Паныд ылькнитіс шонді югӧр, ёрис синъяссӧ. Митрук кималасӧн корсис лабич, пуксис. Шондіыс быттьӧкӧ пӧжӧм корӧсьӧн малыштіс куш юрсӧ, югӧръяс йиджисны гӧрд дӧрӧмас да ной гачас, на пыр шонтісны вӧйӧм морӧссӧ да ёсьмӧм пидзӧсъяссӧ.
Долыт, гажа. Пукав бы да пукав этадз, шонтісь, вишкы табак, но Митроклӧ колӧ видзӧтны ассис хозяйствосӧ, тӧдны, быдӧс я ладно, эз я ыжмав ойнас лёк тӧлыс. Долыд, гажа. Пукавны эськӧ тадзи, шонтысьны, нюшкыны табак, но Митруклы колӧ кытшовтны ассьыс овмӧссӧ, тӧдмавны, ставыс-ӧ лючки-ладнӧ, эз-ӧ мыйкӧ путкыляв-пӧрлӧдлы войнас лёк тӧлыс.
Старик резыштіс чужӧмас чуманокись ва да бадьӧгасис-муніс мош карӧ, кыдз шуис сія пасекасӧ. Старик койышталіс чужӧмас сюмӧд мыссян дозйысь ва, кӧмасис да муніс мазіяс карӧ, кыдзи сійӧ шуис пасекасӧ.
Мачуркаэз сулалісӧ ота кушинын лёдзӧн-лёдзӧн и аркмӧтісӧ учӧтик городок. Сэтӧн вӧлісӧ нёль уличка. Быд уличкалӧн аслас ним: Кипряжник, Кӧчвоняин, Ключьюр, Сьӧлавидз. Сідз нійӧ шуис Митроклӧн внучек Минька. Мачуркаяс радӧн-радӧн сулалісны паськыд кушинын, артмӧдісны ичӧтик кар. Сэні вӧлі нёль улича. Быд уличалӧн аслас ним: Кипряжник, Кӧчвӧняин, Ключьюр, Сьӧлавидз. Тадзи найӧс шуис Митруклӧн внукыс, Минька.
Митрок ылісянь казяліс, что тӧвчик гудралӧма-даки ӧтік уличкаын. Митрук ылысянь на казяліс, мый тӧв мыр вильшасьӧма-дурӧма ӧти уличаын.
— Ок тэ, тюня-параня, — пондіс клопӧтны боккесӧ мошвидзись. — Пукалан, лёгостай, тоштӧ косьтан, а сія то мый пансьӧ: мачуркаыс пӧрӧма! — и ӧдззис ляшмасьны-котрасьны, лӧсьӧтны одззася порядоксӧ. — Ок тэ, ерӧмакань, — аслас бокъясӧ шлопӧдіс мазі видзысь. — Пукалан, тоштӧ косьтан, а, вӧлӧмкӧ, тӧлыс мачуркасӧ пӧрӧдӧма! — И босьтчис мачуркаяссӧ лӧсьӧдавны сідзи, кыдзи найӧ сулалісны тӧвзьытӧдзыс да зэртӧдзыс.
Эта удж сайись старикӧс застанитіс павжун. Позис бы и сёйыштны, да внучекыс сё абу. А ӧтнаслӧн кынӧмыс оз симав. Тайӧ удж саяс и суис старикӧс пажын кад. Позис эськӧ и сёйыштны, но внукыс век на абу. Л ӧтнаслӧн кынӧмыс оз сюмав.
Миня тӧн эшӧ муніс гортас лукла да кушманла. Эта карчыс Митроклӧ медбур сёян. Иньдӧтас старухаыс берсясӧ: и кольттез, и рисьтупӧссез, и шаньгаэз — старик перво-медперво кушман пестерсис кыскӧ. Кыскас, тёритас сійӧ, маӧн сорлалас да няньӧн тюкӧ-курмалӧ. Тюкӧ, ошкӧ ассис стряпнясӧ, Миняӧс велӧтӧ: Миня рытнас на муніс гортас лукла да кушманла. Тайӧ сёянторйыс Митруклы — медбур вӧлӧга. Ыстас, дерт, старукаыс тшӧтш и колькъяс, и рыська пирӧгъяс, и шаньгаяс, но старик медводз перъяс пестерсьыс кушман. Перъяс, вуштас тертукаӧн, сорлалас маӧн и няньӧн тюпкас-сёяс. Чӧсмасьӧ стряпнянас да Миняӧс велӧдӧ:
— Ме моз, тюня-параня, сёй — сто год олан. — Ме моз сёй, ерӧмакань, — сэки сё во олан.
Миня сералӧ: А Миня сералӧ:
— Маыс и ӧтнас чӧскыт. Ме кушсӧ сёя. — Маыс и кушмантӧгыс чӧскыд. Ме лучшӧ ӧтнассӧ масӧ сёя.
— Сія-ту сідз, — соглашайтчӧ старик, — да кушмантӧг абужык пользительнӧй. Кушманыс, сія... Вот босьтам кӧрт. Дорӧт сэтісь чер — ныж петас. А содтышт кӧртас углярод... — Сійӧ, дерт, сідзи, — сӧглашайтчӧ старик, — да кушмантӧгыс абуджык спорӧсьта. Кушманыс сійӧ... Вот босьтам кӧрт. Дор сэтысь чер — ныж артмас. А содтышт кӧртас углярод...
— Углерод, деда. Бӧра не сідз шуин. — Углерод, дед. Бара эн сідзи шу.
— Но ась углерод... Нето этійӧ... кыдз сійӧ, тюня-параня... — Но, мед и углерод... Не то эсійӧ... кыдз сійӧ, ерӧмакань...
— Хром, — адззӧ Миня колана кывсӧ, кӧдӧ не ӧтпырись ни кывліс дедыссянь. — Хром, — аддзӧ Миня колана кывсӧ, кодӧс не ӧтчыдысь нин кывліс дедсяньыс.
— ...содтасӧ сэтчӧ хром — бритваэз керӧны. Сідз и кушманыс. Углярод туйӧ мортыслӧ. Коскаэтӧ чорзьӧтӧ, яйтӧ суктӧ. Ме моз сёй — сто год олан и кушык-кашык он кер. — Содтасны сэтчӧ хром — бритва артмӧ. Сідзи жӧ и кушманыс. Мортыдлы сійӧ углерод пыдди. Костӧ ёнмӧдӧ, яйтӧ сукмӧдӧ. Ме моз сёй — сё во олан и кушык-кашык он вӧч.
— Нечӧскыт кушманыс, деда, — бӧра шуас Миня. — Кушманыс абу чӧскыд, дед, — бара шуис Миня.
— Мый тэ и баитан, — дивуйтчӧ дед. — Ма сорнас и отопка ньылыштан, он казяв! — Мый тэ нинӧм абусӧ сӧран, — шензьӧ Митрук дед. — Ма сорнас весиг сісь пу ньылыштан, да он тӧдлы!
Старик видзчисис-керис зонкасӧ, сія эз лок, и муніс куртны. Старик виччысис-виччысис внуксӧ, но сійӧ эз лок, и муніс куртны.
Умӧль кайис таво туруныс, шоч да дженыт, но Митроклӧн куим кос ни ӧксис. Керны эшӧ сымда жӧ, и Серанькаыс тӧвсӧ бӧбӧтас. Мошвидзись эз мӧд таво турунавны, да старухаыслӧ эз лысьт поперечитны. Сыкӧт унасӧ он вермась. Сьӧкыт характера инька. Ог, шуӧ, мӧс родсӧ орӧтӧ и быдӧс. Йӧвтӧг пӧ ме и годсӧ ог ов. А юав тэ сылісь, уна я йӧвсӧ сёйӧ. Стакан етш луннас юас дак ладно. Остаткисӧ внучеккеслӧ новйӧ, рись тупӧссезӧн джын деревнясӧ потшшуйтӧ. Вельмӧма, мый и шуны. Нывканас лӧнься-лӧнь вӧлі, лишньӧй кыв эз висьтав, а петіс жӧник саяс — кузь пиня пила кодь лоис и нырсӧ клюкаӧн он судзӧт. Неӧтпыр жӧникыс юрси бердӧ кутчыліс. Правда, вӧлі мый понда: мошвидзись часто маӧн потшшуйтліс инькаэсӧ. И, конечно... Да кыдз тэ он нетшкӧвт ягӧд тусьсӧ, кӧр сія ачыс ӧмӧ готов пырны? Вӧвлі грехыс. Митрок ачыс винитчис сыбӧрын. Но юрсиыс разь виноват? Поди, сысянь и кушмис юрыс. Видзӧт, тошсӧ эз вӧрӧт, дак сё зу кодь тшӧк. Омӧль быдмис таво туруныс, гежӧд да ляпкыд, но Митруклӧн куим пинь кост нин чукӧрмис. Пуктыны ещӧ сы мында жӧ, и Серукныс тӧвсӧ вуджас. Мазі видзысь таво эз кӧсйы турун пуктыны, но старукаыслы эз лысьт паныд мунны. Сыкӧд уна он сёрнит. Сьӧкыд характера нывбаба. Ог, шуӧ, мӧс рӧдсӧ бырӧдӧй, и — ставыс. Повтӧгыд пӧ ме весиг ӧти восӧ ог ов. А юав тэ сылысь, уна-ӧ и йӧвсӧ сёйлӧ. Стӧкан йӧв кӧ луннас юас — бур нин. Ӧстальнӧйсӧ ставсӧ внук-внучкаясыслы новлӧ, рыська пирӧгъясӧн сикт джынсӧ гӧститӧдӧ. Дзикӧдз вельмис. Ныв дырйиыс рамсьыс-рам вӧлі, лишнӧй кыв эз шулы, а петіс верӧс сайӧ — кузь пиня пила кодь лоис, и нырсӧ коколюкаӧн он судзӧд. Не ӧтчыд нин верӧсыслы юрсиас кутчысьліс. Дерт, помкаыс та вылӧ вӧвлі: мазі видзысь частӧ гӧститӧдліс бабаясӧс маӧн. И, дерт... Но, кыдзи нӧ он нетшышт вотӧс тусьсӧ, кор сійӧ ачыс вомад вӧзйысьӧ? Вӧвліны грекъяс. Митрук ачыс висьтасьліс... Но юрсиыс ӧмӧй мыжа? Кӧнкӧ, та вӧсна и кушмис юрыс. Вот, тошсӧ эз нетшкыв, да ӧнӧдз сійӧ зу кодь сук.
Да, характер... А мӧдкодьыс Митроклӧ бӧра оз ков. Кытшӧм сія хозяйка, кӧдалӧн ӧмас ва кынмӧма? Асныртӧм инькаыт дзик дуб нянь. Семьяат инькаыс, батя, мош матка туйӧ. Сы гӧгӧр и ройыс каттисьӧ... Да, характер... А мӧд кодьыс, веськыда кӧ шуны, Митруклы оз жӧ и ков. Кутшӧм нӧ сійӧ кӧзяйка, кодлӧн вомас ва кынмӧма. Абу кӧ асныралысь гӧтырыд, сійӧ дзик дуб нянь кодь. Семьяад гӧтырыд, другӧ, мазі матка кодь. Сы гӧгӧр и мазі позйыс чукӧрмӧ.
Старик аскӧттяс сёрнитікӧ лёдзалыштіс ытшкӧмсӧ да чукӧртіс зород бокас. Локтас Миня, тальны пондас зородсӧ, а Митрок лэбтас турунсӧ. Старик аскӧдыс сёрнитігмоз лёддзаліс ытшкӧм турунсӧ да чукӧртіс зорӧд бокас. Локтас Миня, кутас талявны зорӧдсӧ, а Митрук лэпталас турунсӧ.
Лун вӧлі мича, шонді ма сотьӧн ӧшаліс юр весьтын, и Митрок тӧдіс, что зэр оз костіав сылісь уджсӧ. А кыдзи сідз, то позьӧ и шоччисьыштны. Луныс вӧлі мича, зарни шонді ӧшаліс юр весьтын, и Митрук тӧдіс, мый зэр оз торк сылысь уджсӧ. А сідзкӧ позьӧ и шойччыштны.
Пуксис сія чирйисян турун вылӧ, бокӧ чапкис аскатайтӧм шляпасӧ. Воск рӧма юрыс свиттьӧвтіс склянка моз и вӧлі ва. Старик кыскис йи сайись чышкӧток, малыштіс сійӧн юр вывсис ньылӧм дзуллесӧ. Сэсся шовкнитіс-осьтіс табакерка, судзӧтіс чепӧльнас табак, пешаліс нырпыссэзас и лӧсьӧтчис чӧскыта несйыны, да эз ешты: кыліс горӧтлӧм шы. Старик пуксис чирйысян турун вылӧ, бокӧ чӧвтіс гын шляпасӧ. Воск рӧма юрыс югъяліс стеклӧ моз да вӧлі ва. Митрук перйис чышъян, чышкаліс юр вывсьыс ньылӧмсӧ. Сэсся шлочнитіс-восьтіс табак дозсӧ, чепӧльнас перйис сэтысь нюшкан табак, йӧткыштіс ныр розьясас да лӧсьӧдчис чӧскыда несйыны, но эз удит: кыліс горӧдӧм шы.
— Минькаыс кылӧ локтіс, — шуис старик. — Пажнайтамӧ ӧні. — Минька, кылӧ, локтіс, — шуис старик. — Пажнайтны ковмас.
Деревича кока Миня тшакыльӧн тарӧвтчис балаган дынсянь и мыйкӧ чирзіс. А мый — старик эз вежӧрт. Кӧтіа кока Миня быйкнитіс чом дорсянь да мыйкӧ горзіс, а мый — старик эз велав.
— Ӧка ванзӧ, бытьтӧ ӧшӧм, — эз ошкы внучексӧ дед. — Со ӧд, горзӧ, быттьӧ вошӧма, — дивитіс внуксӧ дед.
— Морт, мыся, кулӧма, морт, — юӧртіс зонка, кӧр ышки-пойки сувтчис зород бокӧ. Дзӧдзыв кодь лэчыт синоккезас тӧдчис повзьӧм. — Морт, мися, кулӧма, морт, — висьталіс детинка, кор кашкигтыр воис зорӧд дорас. Дзодзувлӧн кодь лэчыд синъясас тӧдчис повзьӧм.
— Кытшӧм морт, кытӧн? — том прытьӧн лэбтісис старик. — Морт моз висьтав, эн тараторит. — Кутшӧм морт, кӧні? — том морт моз чеччис старик. — Прамӧя висьтав, эн сяргы.
— Этчинка, Турпан лог дорас. Пу увтӧ шедӧма. — Этані, Турпан лог дорас. Пу улӧ веськалӧма.
— Ок, тюня-параня! Кыдз нӧ сія? — досадуйтіс Митрок. — Беда. — Ок, ерӧмакань, кыдзи нӧ сідзи? — чуймис Митрук. — Ускӧттьӧ!
Зонка тэрмӧтіс дедсӧ, кыскис сійӧ киӧттяс, и старик проворнӧя иньдӧтчис логланьӧ, нельки вунӧтіс босьтны шляпасӧ. Мунісӧ туйтӧг, веськыта мырьяинӧт. Одзаныс пӧлінясисӧ кык вуджӧр — сажень да аршин. Миня косӧйӧн видзӧтліс пиньласись вуджӧр вылас и берегитчис, мед не тальччыны сы вылӧ. Бедаыс, натьтӧ, сія и эм, вуджӧрыс. Прокод тэ сьӧрын ветлӧтӧ. Сійӧ и видзӧт, мед эз кутчы тэ бердӧ. Луннас даки тыдалӧ, а вот ойнас... Детинка тэрмӧдліс дедсӧ, кыскис сійӧс киӧдыс, и старик зіля мӧдӧдчис логлань, весиг вунӧдіс босьтны шляпасӧ. Мунісны туйтӧг, веськыда Мыръяс пӧвстті. Водзвыланыс катласисны кык вуджӧр — сыв да аршын. Миня кӧсӧя видзӧдліс катласьысь вуджӧръяс вылас да виччысис, мед не тальччыны на вылӧ. Ускӧттьӧыс, гашкӧ, сійӧ и эм, вуджӧрыс. Дугдывтӧг тэкӧд ветлӧдлӧ. Сійӧс и видзӧд, мед оз кутчысь тэ дінӧ. Бур ещӧ, мый луннас тыдалӧ, а вот войнас...
Митрок думайтіс тожӧ бедаыс йылісь. Только мӧднёж. Сійӧ, бедасӧ, ордйыны позьӧ, ежели синтӧ да пельтӧ лэчыта видзны, тӧдны, мый керсьӧ одзат и бӧрат. Митрук думайтіс ускӧттьӧ йывсьыс жӧ. Сӧмын мӧд ногӧн. Сійӧс, ускӧттьӧсӧ, ордйыны позьӧ, бура кӧ видзӧдны да кывзысьны, мый вӧчсьӧ водзад и бӧрад.
— Кытӧн? — юаліс дед. — Кӧні? — юаліс дед.
— Чегӧм пусӧ адззан? Сы увтын. — Чегӧм пусӧ аддзан? Сы улын.
Старик дзар керис йывтӧм ньыв вылӧ, и быдӧс вежӧртана лоис. Морт муніс эта пу бокӧт, тӧвнырӧн нетшкӧвтіс сісь пулісь йывсӧ, чегӧтіс да брякнитіс улӧ, кольмӧтіс мунісьсӧ. Трагедия. Ежели бы сэк локны, может и мездін бы мортсӧ смертьыс налькись. А ӧні нем ни он кер. Только юӧртан гортас, мед дзебисӧ. Старик видзӧдліс йывтӧм ньыв пу вылӧ, и ставыс лои гӧгӧрвоана. Морт, вӧлӧмкӧ, мунӧ пу дортіыс, тӧв ныр нӧбӧдӧма сісь пулысь йывсӧ, чегӧма да шыбитӧма улӧ, дойдӧма мунысьсӧ. Сэки кӧ эськӧ локтісны татчӧ, гашкӧ, и мездісны мортсӧ смерть налькйысь. А ӧні нинӧм нин он вӧч. Сӧмын, гашкӧ, юӧртан гортас, медым дзебасны.
Но морт эшӧ лолаліс и бледӧтӧм тырппес мыйкӧ шамйисӧ. Может, кыдз часто овлӧ эттшӧм кадӧ, детина мӧдіс горӧтчыны меддженыт и меддона кыв — мам? А поди кытсаліс, ежели гӧтыра, инькасӧ, мӧдіс сетны сылӧ медбӧрья наказ, мӧдіс тшӧктыны берегитны челядьсӧ да не вунӧтны пӧрись аймамсӧ. Но морт лолаліс на, и бледӧдӧм паръясыс мыйкӧ тяпкӧдісны. Гашкӧ, сійӧ кӧсйис чукӧстны мамсӧ либӧ, гӧтыра кӧ, шыӧдчыны гӧтыр дінас, висьтавны, медым бура быдтіс челядьсӧ?
Деда-внучека чапкисӧ бокӧ пу йывсӧ. Му вылас, кытӧн неважын старик ытшкис турун, куйліс дженытик плаща да кузь сапога тӧдтӧм мужик. Кин сія: пастух, нефтеразведчик, ягӧдалісь? Кин бы эз вӧв, а морт. Колӧ мырддьыны сійӧ смертьыс киись. Деда-внука шыбитісны бокӧ пу йывсӧ. Видзтор вылын, кытысь старик неважӧн на ытшкис турунсӧ, куйліс дженьыдик плаща да кузь гӧленя сапӧга тӧдтӧм мужик. Коді сійӧ? Пастук, нефтеразведчик, вотчысь? Кӧть коді эз вӧв, а морт. Колӧ мырддьыны сійӧс смерть киысь.
— Видзӧт, деда, компас, — шуис Миня. — Видзӧд, дед, компас... — шуис Миня.
Но дед эз кывзы сійӧ. Но дед эз кывзы сійӧс.
— Ваок да ма вай... Тӧвчикӧн! — Ватор да ма вай... Да ӧдйӧджык!
Митрок сувтіс пидзӧс вылас, лэбтіс мортлісь шапкатӧм юрсӧ. Юрсиыс ва, коколясьӧм, дзугсьӧма. Кымӧс дынас чунь кузя чочком визь — рана. Чегӧм улӧн зыртыштӧма, кульыштӧма кучиксӧ, и юрчашкаыс тыдалӧ. Митрук сувтіс пидзӧс вылас, лэптіс мортлысь шапкатӧм юрсӧ. Юрсиыс кормӧма, ва. Кымӧс дорас чунь кузя еджыд визь — рана. Чегӧм увнас кульыштӧма кучиксӧ, да юрчашкаыс тыдалӧ.
«Вон сія кӧда», — казяліс старик вирӧсь увсӧ. Ранаыс косьмӧма ни, но Митрок сётаки кӧртыштіс сійӧ чышкӧтокнас. «Со сійӧ», — старик аддзис вирӧсь увсӧ. Ранаыс косьмӧма нин, но Митрук век жӧ кӧрталіс сійӧс аслас чышъянӧн.
Атшалӧм Миня вайис ма туисок да чуманокӧн ва. Этӧ туисоксӧ мошвидзись тыртіс майскӧй взяткаӧн и ӧнӧдз эз на осьтлы. Лекарство туйӧ видзис, меддона гӧссез понда берегитіс. Кашкысь Миня вайис ма туис да ва доз. Тайӧ туиссӧ мазі видзысь тыртіс май тӧлысьӧ чукӧртӧм манас да ӧнӧдз эз восьтыв. Лекарство вылӧ да меддона гӧстьяслы гӧснеч вылӧ видзис.
Старик дрӧжитан киэзнас содтіс чуманокас ма, сетіс дозсӧ Минялӧ: Старик тіралан кинас ва дозйӧ содтіс ма, дозсӧ сетіс Манялы:
— Кисьт ӧмас. Да эн пӧдты. — Кисьт вомас. Да сӧмын эн пӧдты.
Садьтӧм морт бытьтӧ кыліс энӧ кыввесӧ и ачыс осьтіс ӧмсӧ. Юис горша, дзик баня бӧрсянь, но кыдз видзчисисӧ деда-внучека, эз шыась. И синнэсӧ эз осьт. Садьтӧм морт быттьӧ кыліс тайӧ кывъяссӧ да ачыс восьтіс вомсӧ. Юис пывсян бӧрын моз горша, но, мыйта кӧть эз виччысьны деда-внука, эз шыась. И синъяссӧ эз восьты,
— Врачӧс колӧ, — шушкыштіс Миня. — Врачӧс колӧ вайӧдны, — вашкӧдіс Миня.
Митрок чӧліс. Чӧліс да думайтіс. Врачӧс... Кысь тэ сійӧ часӧт ваян? Медматісь деревняӧдз дас верста, а районӧдз нёль сыным. Миня самокатсӧ гортас кольӧма. Подӧн мунны — ойыс вӧтас. И мортыс сымдасӧ чередь терпитас. Кӧть бы председательыс легковушканас кайис. Кӧсйисис эд талун да... Митрук чӧв оліс, думайтіс. Врачӧс... Кысь ӧні тэ сійӧс вайӧдан? Медматыс сиктӧдзыс дас верст, а районӧдз нёль сы мында. Подӧн мунны — войыс суас. Мортыс сэк кості вермас кувны. Кӧть нин мед председательыс легкӧвӧй машинанас локтіс. Кӧсйысис ӧд талун, но...
— Чу, машина локтӧ, — висьталіс Миня. — Кылан, деда? — Энлы, машина локтӧ, — чошкӧдчис Миня. — Кылан, дед?
Турпан лог сайын былись кыліс кытшӧмкӧ шум, и сылӧн горыс быд секундаӧн содіс. Деда-внучека радмисӧ, да недыр кежӧ. Вежӧртісӧ, что эта самолёт, что сія немӧн оз отсав нылӧ, и ӧшӧтісӧ юррезнысӧ. Турган лог сайын збыльысь кыліс кутшӧмкӧ шум. Жургӧмыс быд здук содіс. Деда-внука радлісны, но регыд бӧр шогӧ усины. Гӧгӧрвоисны, мый тайӧ самолёт, коді нинӧмӧн оз отсав налы.
— Ок, тюня-параня, — чидіс дед. — Котӧрт-ко, Минька, Карин мысӧ. Может, лесникыс туруналӧ эшӧ. Вӧлӧн коран. Кыдзи абу — деревняӧ пӧльт, бригадирыслӧ висьтав, ась машина иньдас. — Ок, ерӧмакань, — кинас ӧвтыштіс дед. — Котӧртлы, Минька, Карин мысӧ. Гашкӧ, лесникыс турун пуктӧ на. Корлы вӧвнас. А абу кӧ сэні — сиктас котӧрт, бригадирлы висьтав, мед машина ыстас.
Миня ньӧвьёсьӧн уськӧтчис логас. Минька ньӧв моз тӧвзис логас.
А небоӧт уйис вертолёт. Лэбзис сія жагӧна и лажмыта, ровно смекайтіс кинӧскӧ вӧр колассис. А енэжӧд шлывгис вертолёт. Лэбис сійӧ уліті, ньӧжйӧ, быттьӧкӧ кодӧскӧ корсис вӧрсьыс.
— Вертолёт, деда, вертолёт! — Миня горӧтіс дедыслӧ лог сайсянь. — Пожарник! Макайт, деда, сія пуксяс! Вертолёт, дед, вертолёт! — лог сайсянь дедыслы горзіс Миня. — Пӧжарник! Ӧвтчышт, дед, сійӧ пуксяс!
— Лок бӧр, — корис Митрок зонкасӧ. И кӧр Миня вуджис логсӧ, сетіс сылӧ вывсис чӧвтӧм йӧрнӧссӧ. Лок бӧр, — детинкаӧс корис старик. Кор Миня бӧр вуджис логсӧ, сетіс сылы вылісьыс пӧрччӧм дӧрӧмсӧ.
— Макайт, поди казялас. Ӧвтчы, гашкӧ, казялас.
Но вертолёт сярзис-лэбзис одзлань. Лётчик эз казяв улісь морттэсӧ. Деда-внучека бӧра жӧв керсисӧ. Но вертолёт сяргис-лэбис водзӧ. Лётчик эз казяв уліысь мортъясӧс. Деда-внука бара шогӧ усины.
— Пожарник, шуан? — юаліс старик. — Пожарник... А ноко котӧрт балаганас, спичкаэз босьт и... ӧзты зородсӧ. — Пӧжарник сійӧ, шуан? — чӧв олыштӧм бӧрын юаліс старик. — Пӧжарник... А нолы, котӧртлы чомъяс, босьт истӧг да... ӧзты зорӧдсӧ.
Зонка эз верит аслас пеллезлӧ. Детинка эз верит аслас пельяслы.
— Мы-ый? — юаліс сія. — Мы-ый? — юаліс сійӧ.
Дед топнитіс кокнас, горӧтіс лӧгӧн: Дед зымкнитіс кокнас, скӧрысь горӧдіс:
— Но, кинлӧ шуӧны?! Ӧтмӧдӧрсянь ӧзты! — Но, кодлы шуӧны! Кыкнанладорсяньыс ӧзты!
Вертолёт ӧшис ни син одзись, кӧр вывланьӧ лэбтісис перво сьӧд тшын, сыбӧрын гӧрдӧтіс зород и нетшкӧвтчисӧ неболань сажённӧй бикыввез. Руас пондіс кӧвьясьны сотчӧм дук, Митрок босьтіс уськӧтӧм йӧрнӧссӧ, бадьӧгасис-муніс пылайтан зородлань. Муніс и лёка серӧм пыр бобгис ныр увтас: Вертолёт воши нин син водзысь, кор вывлань пуркнитіс сьӧд тшын, а сэсся ыпмуні гӧрд би, шымыртіс зорӧдсӧ да енэжлань нюжӧдчисны сывйысь кузьджык бикывъяс. Нырӧ ӧвтіс сотчӧм турун дук. Митрук босьтіс дӧрӧмсӧ, муніс ыпъялысь зорӧдлань. Мунігмозыс серам сорӧн шуаліс:
— Бертан, тюня-параня, бертан! Тэ он вермы не бертны. Тэнат должностьыт сэтшӧм — пожарник. Сотчы, турунӧй, ӧграв, ӧграв! — Бергӧдчан, ерӧмакань, бергӧдчан! Тэныд оз позь не бергӧдчыны. Должностьыд тэнад сэтшӧм — пӧжарник. Сотчы, турунӧй, ломав, ломав!
И былись, кыдз только Митрок сибӧтчис биӧн кутӧм зород дынӧ, вертолёт бӧра мыччисис. Старик адззис куран, кышаліс сы бердӧ йӧрнӧссӧ и, дзик флагӧн, пондіс ӧвтны сійӧн юр вевдӧрас. И збыльысь. Митрук муртса воис зорӧд дорӧ, а вертолёт бӧр нин мыччысис. Старик босьтіс куран, куран юрӧ пысаліс дӧрӧмсӧ да дзик флагӧн моз кутіс ӧвтны сійӧн юр весьтас.
Вертолёт лажмӧтчис улӧжык, кытшӧвтіс шутём вевдӧрӧт и пуксис Турпан лог дорас. Старик да зонка котӧртісӧ паныт лётчиклӧ. Вертолёт лэччис улӧджык, кытшовтіс зорӧд весьтті да пуксис Турпан лог дорӧ. Старик да детинка котӧртісны лётчиклы паныд.
— Кин ӧзтіс? — лӧгӧн юаліс лётчик, билань мунікӧ. — Коді ӧзтіс? — билань мунігмоз скӧра юаліс лётчик.
— Морт доймис, — шуис Митрок. — Кулӧмви ни. Морт доймӧма, — шуис Митрук. — Кулан выйын нин.
Лётчик сувтчис, и Миня висьталіс: Лётчик сувтіс. Миня шуис:
— Операция колӧ керны... — Операция колӧ вӧчны...
Лётчик рамжыка ни нёджжӧвтіс Миня вылӧ, йӧрнӧстӧм старик вылӧ, кӧда пельпон вылас знамя моз видзис курансӧ, юаліс: Лётчик меліджыка нин видзӧдліс Миня вылӧ, дӧрӧмтӧм старик вылӧ, коді пельпом вылас знамя моз кутіс курансӧ, да юаліс:
— Кытӧн сія? — Кӧні сійӧ?
— Вон тайка, — мыччаліс кинас зонка. — А туруныс асланым, дядя лётчик. Некин сы понда оз вид, — и гажтӧма видзӧтіс дедыс чужӧмӧ, кӧдалӧ, натьтӧ, дӧнзяс-даки Маля бабсянь. — Со сэні, — кинас индіс детинка. — А туруныс, дядя лётчик, асланым. Некод сы вӧсна оз вид. — Минька шога видзӧдіс дедыс вылӧ, кодлы, дерт, сюрыштас Маля бабсянь.
Доймӧм морт сё сідз жӧ куйліс гатш и перыта чашыктіс. Чужӧмыс вӧлі блед, ӧтрӧма чышкӧтокыскӧт; син увттэс польдчӧмась, лӧзӧтӧмась, дзик покойниклӧн. Доймӧм морт век на сідзи куйліс гатшӧн да тшӧкыда лолаліс. Чужӧмыс сылӧн вӧлі блед, чышъяныс кодь жӧ, син горувъясыс польтчӧмаӧсь, лӧзӧдӧмаӧсь, дзик покойниклӧн кодьӧсь.
— Ноко, нӧбӧтам, — командуйтіс лётчик и лэбтіс мортсӧ конувттэзӧттяс. Деда-внучека кутісӧ коккесӧ. Садьтӧм морт небурика ружтыштіс и чуть вӧрзьӧтіс синкыммезнас. Кабинаись петіс мӧдік лётчик да отсаліс пыртны доймӧм мортсӧ. Ыбӧсок пӧднассис, и ыджыт сярканыс ӧдззис куртны-сынны пым русӧ. — Нолтӧ, нуамӧй! — командуйтіс лётчик да лэптіс мортсӧ киняувъястіыс. Деда-внука лэптісны кокъяссӧ. Садьтӧм морт сьӧкыда ружтыштіс, да муртса вӧрзьыштісны синкымъясыс. Кабинаысь петіс мӧд лётчик да отсаліс пыртны вертолётӧ доймӧм мортсӧ. Ӧдзӧс пӧдлассис, и ыджыд сярган-пропеллерыс заводитіс сынны, куравны пӧсь сынӧдсӧ.
Деда-внучека вешшисӧ бокӧ, вертолёт лэбтісис и юрсигусьӧн ыскӧвтіс вӧр сайӧ. Деда-внука вешйисны бокӧ. Вертолёт кыпӧдчис да юрсигусь моз исковтіс вӧр сайӧ.
Старик дыркодь видзӧтіс сылань, кытчӧ лэбзис вертолётыс да вӧлись юаліс: Старик прамӧй дыр видзӧдіс сылань, кытчӧ лэбис вертолётыс, да сы бӧрын нин юаліс:
— Кушмансӧ вайин, Минька? — Минька, кушмансӧ вайин?
— Эт кузяӧ кайӧті, — паськӧтыштіс киэсӧ зоночка. — Эта кузьтаӧс вайи, — кияссӧ паськӧдіс детинка.
— Давай ужнайтны пондамӧ, — шуис Митрок и малыштіс внучекыслісь быгалӧм руд юроксӧ. — Ок, тюня-параня... — Но, сідзкӧ, ужнайтны кутам, — шуис Митрук да малыштіс внукыслысь быгалӧм руд юрсисӧ. — Ок, ерӧмакань...
Комиӧн (Перым ногӧн) гижис
Климов Василий Васильевич
Комиӧн